Xitay boyiche bu yil kömürkan weqeliride ölgenler sani ötken yilgha qarighanda köpeydi

2005-12-13
Élxet
Pikir
Share
Print

Xitay metbu'atlirining xewer qilishiche, gerche xitay da'iriliri kömür kanlarda bixeterlik tedbirlirini kücheytishke köp wedeqilghan bolsimu, emma bu yil 11 - dékabirghiche ötken yilning oxshash mezgili bilen sélishturghanda kömür kan weqeliride 206 adem köp ölgen.

" Jonggo géziti" ning xewer qilishiche, bu yil xitay boyiche kömür kanlarda 2939 weqe yüz bergen, bu weqelerde 5491 adem ölgen bolup, buni ötken yilning oxshash mezgilige sélishturghanda bu yil 206 adem köp ölgenliki melum bolghan.

Bu san Uyghur aptonom rayonining bay nahiyisidiki yatar kömür kéni, fukang qatarliq jaylarda yüz bergen kömür kan weqelirini öz ichige alidu. Fukangdiki kömür kan weqeside 83 adem ölgen idi.

Bu arida shinxu'a axbarat agéntliqi, xéylongjangdiki chitaxéy kömür kénida bu yil noyabirda yüz bergen kömürkan weqeside ölgenlerning a'ile - tawabatliri kömür kan igiliri bilen tölem tölesh mesilisi boyiche kélishim hasil qilghanliqini xewer qildi. Kélishim boyiche kömür kan igiliri her bir ölgen ishchigha 200 ming yü'endin tölem töleshke maqul bolghan.

Birleshme axbarat agéntliqining xewer qilishiche, xitay döletlik ishlepchiqirish bixeterlik idarisining bashliqi li yijong, kötürüsh iqtidaridin ashurup kömür ishlepchiqarmaqchi bolghan kanlarning " qattiq qolluq" bilen bashqurulidighanliqini bildürgen. Lining tekitlishiche, bu yil 31 - dékabirgha qeder xitay boyiche 4000 kömür kan taqiwétilidiken.(Erkin)

Pikirler (0)
Share
Toluq bet