Béyjing : olimpik mezgilide élip bérilidighan naraziliq heriketlirige cheklime qoydi

2008-03-13
Élxet
Pikir
Share
Print

Xitay hökümet xadimi peyshenbe küni, béyjingda olimpik murasimi ötküzülüwatqan peytte, her qandaq bir jonggu puqrasi we yaki chet'el puqrasining naraziliq herikiti élip bérish üchün, aldin ruxsetke érishishi kéreklikini alahide tekitlidi.

Fransiye agéntliqining bu heqte bergen xewirige qarighanda, béyjing shehirining mu'awin sheher bashliqi lyu muxbirlarni kütiwélish yighinida söz qilip, béyjing olimpik murasimi ötküzülüwatqanda her qandaq naraziliq pa'aliyetlirining, saqchi organlirining ruxsiti buyiche qanun'gha ri'aye qilghan asasta élip bérilidighanliqini, meyli junggoluq yaki chet'ellik bolushidin qet'i nezer, barliq kishilerning munasiwetlik qanunlargha boysunushi kéreklikini otturigha qoydi. U sözide yene, naraziliq bildürgüchilerning béyjing sheherlik ediliye tarmaqlirigha iltimas sunushini, ediliye tarmaqlirining junggoning qanuni buyiche, iltimasni qobul qilish we ret qilish hoquqigha ige ikenlikini bildürdi.

Biraq xewerde, ilgiri junggo kommunistik partiyisi we hökümitige qaritilghan naraziliq namayishi élip bérish iltimaslirigha héchqachan ruxset bérilip baqmighanliqi alahide tilgha élin'ghan bolup, fransiye agéntliqi béyjingda turushluq yé gochang isimlik bir puqraning sözini neqil keltürüp, uning akisi yé guju'angning hökümetke sun'ghan namayish qilish iltimasi seweblik qolgha élin'ghanliqini hetta bir qanche yilliq türme jazasigha höküm qilin'ghanliqini ashkarilidi.

Istansimiz igiligen melumatlardin qarighanda, xitay olimpik munasiwiti bilen yalghuz béyjingdiki nazaritini kücheytipla qalmay, bashqa rayonlargha qaratqan basturushlirinimu alahide kücheytmekte. Bolupmu tibet we Uyghur élide naraziliq bildürgüchilerni hemde namayishchilarni basturush heriketlirini qozghap, nechche yüzligen ademni qolgha alghan. (Eqide)

Pikirler (0)
Share
Toluq bet