Хитай - қазақистан арисида 2 ‏- нефит турубиси ятқузуш келишими имзаланди

2006-12-22
Елхәт
Пикир
Share
Принт

Хитай ‏- қазақистан атасу - алатав нефит турубиси 2005 - йили рәсмий ишқа киришкәндин кейин, хитай билән қазақистан мәзкур нефит турубисиға яндаш һалда 2 ‏- бир туруба линийиси ясаш келишими имзалиди.

Хитай мәтбуатлириниң хәвәр қилишичә, қазақистан президенти нурсултан нәзәрбайеф, алдинқи күни бейҗиңда мухбирларға хитай билән қазақистанниң 2 ‏- нефит турубисини қуруш тоғрисида рәсмий келишим имзалиғанлиқини билдүргән. У, бу қурулуш "каспий деңиз саһилини хитайниң ғәрбий - шималиға туташтуридиған " лиқини билдүргән. У йәнә мухбирларға бу сәпиридә хитайлар билән икки дөләт арисида тәбий газ турубиси ятқузуш мәсилисини музакирә қилғанлиқини ашкарилиди.

Нәзәрбайефниң бәш күнлүк хитай зиярити 19 - декабир күни башланған болуп, у зияритиниң 2 ‏- күни хитай тәрәп билән сода - иқтисади, мәдәнийәт, маарип, төмүр йол, енергийә қатарлиқ саһәләргә четилидиған 11 түрлүк келишим имзалиди. Хитай - қазақистан арисида 2 ‏- нефит турубисини ятқузуш келишими хитай нефит - тәбий газ гуруһи билән қазақистан нефит - тәбий газ һәссидарлиқ ширкити арисида имзаланди. Буниңдин сирт хитай тәрәп қазақистан явро-асия университети билән қазақистанда коңзи университети қуруш келишими имзалиған.

Лекин қазақистанда хитайниң райондики нийитигә гуман билән қарайдиған бәзи сиясий әрбаплар, қазақистанни нефитиниң пүтүнләй хитайға бағлинип қелишидин һәзәр әйләшкә чақирмақта. (Әркин)

Пикирләр (0)
Share
Толуқ бәт