Xelq rayini tekshürüsh netijisi: xitayning milliy sapasi bilen chong döletlik obrazi arisida zor perq mewjut

2006-12-28
Élxet
Pikir
Share
Print

Nöwette béyjing merkizi téléwiziye istansisining 2 - qanilida tarqitilghan " chong döletning bash kötürüshi" namliq höjjetlik filim xitay jem'iyitide zor tesir peyda qilghan bolsimu, lékin " jonggo yashlar " gézitining ötken düshenbe küni élip barghan xelq rayini sinash netijisidin qarighanda, xitay puqralirining jonggo chong döletmu, dégen mesilige qarita köpchilik kishiler xitayni chong dölet, dep qarimaydighanliqi melum boldi.

Jaw gochyan: xitayning chong döletlik xiyali külkilik

Ray sinash pa'aliyitige qatnashqan xitay puqralirining 50 % din köpreki xitayni nupus we tenterbiye chong döliti, dep qarighan bolsimu, lékin xitayni siyasi, herbiy, diplomatiye, medeniyet, teb'iy bayliqlar jehette chong dölet, dep qaraydighanlarning nisbiti 20 % bilen 40 % arisida qaldi.

Béyjingdiki xitay öktichi zatlirining biri jaw gochyang radi'omizgha "xitayning chong döletlik xiyali külkilik," deydu. U, "chong döletlik xiyali her qétim otturigha qoyulsa, mang bekmu külkilik tuyulidu. Nurghun kishiler 2 - dunya urushidin kéyinla junggoning emiliyette dunyadiki 5 chong döletning biri bolup qalghanliqini oylimaydu. Kompartiye - gomindang urushi tüpeylidin jonggo öz halitige qaytip kélelmidi. Urushtin kéyin kompartiye mustebitlik yolini talliwaldi," dep körsetti. Lékin yene bezi analizchilarning eskertishiche, dewrimizde chong dölet bolushning birdin bir sherti nopusi köp, zémini keng, iqtisadi güllen'gen bolushla emes.

En'giliye sabiq bash ministiri margarit sachir, xitayning derijidin tashqi dölet bolalmasliq seweblirini, "chünki xitay dunya jama'etchilikige ular qobul qilalaydighan uniwérsal bir idé'ologiye yaki chüshenche séstimisi otturigha qoyush iqtidarigha ige emes ikenlikidur, " dep chüshendürgen.

Doktor qahar barat: xitayning milliy sapasi chong dölet bolushqa mas kelmeydu

Amérikidiki Uyghur tetqiqatchi doktor qahar baratning eskertishiche, "bu yerdiki tüpki mesile tereplerning chong dölet, dégen bu uqumni qandaq chüshinish mesilisidur." U, "dewrimizde chong döletlik ornigha ige bolush üchün zémini keng, nopusi köp, iqtisadi güllnishning özi yéterlik, dep qarash toghra emes," deydu. U, bir döletni chong dölet, dep qarash üchün uning iqtisadi küchlük bolush bilen birge, xelq'ara mesililerde oynaydighan roligha qarilidighanliqini bildürdi. Qahar barat, xitayning milliy sapasi chong dölet bolushqa mas kelmeydighanliqini eskertip, "xitayning nurghun jehetlerde xelq'ara ölchemge toshmaydighanliqini eskertti.

Jonggo yashlar gézitining ray sinash netijisidin melum bolushiche, ray sinash pa'aliyitige qatnashqan 95 % kishi xitayning milliy sapasi bilen uning chong döletlik obrazi arisida zor perqler barliqini tekitligen.

Atalmish "bash kötürüsh" yaki "güllinish" az sandiki bir qisim kishilerning "bash kötürüshi" yaki "güllinishi" dur

Aldinqi küni xongkongdiki meshhur obzorchi gu ping xongkong "sherq géziti" de élan qilghan bu heqtiki maqalisida "jonggo yashlar" gézitining ray sinash netijisi xitayning "chong döletlik xiyali" gha soghuq su sepkenlikini yazdi. U, xitayda zor köpchilik kishiler chong dölet puqrasi bolush süpitide shuni éniq biliduki, atalmish "bash kötürüsh" yaki "güllinish" az sandiki bir qisim kishilerning " bash kötürüsh" yaki güllinishidur," deydu. Uning eskertishiche, xitayda bir milyard 300 milyon puqraning köpchiliki hazirgha qeder doxturgha körünemeydighan, oquyamaydighan töwen qatlamdiki makansizlar.

Xongkong teb'iy penler uniwérsititi soda institutining dotsénti yen xongning eskertishiche, nöwette chong quruqliqtiki puquralargha kériki jonggo chong döletmu - emesmu, deydighan quruq soska emes, belki emiliy nersiler. U, " chong döletning bash kötürüshi," digen bu filimni hazirqi shara'itta tarqitish béyjing da'irilirining puqralargha melum bir nersidin uchur bermekchi boliwatqanliqini körsitidu, dep qaraydighanliqini bildürdi. U, biz kompartiye 17 - qurultiyining pat yéqinda chaqirilidighanliqini bilimiz. Bu filim bezi kishilerning jonggo bash kötürdi, dep tentene qilishini qozghash üchün bérilgen bir signalmu ? " deydu.

Yéqinda shangxey fuden uniwérsitétining bir proféssori maqale élan qilip, xitay 5 ming yildin bériqi eng güllinish dewride turmaqta, dep medhiyilen. Bu maqale xitaylar arisida "jonggo 5 ming yildin bériqi eng güllinish dewride turuwatamdu," dégen munazirini qozghidi. Shyé beysennng mezkur maqalisini tenqid qilghuchilar xitaydiki "güllinish qeyerde," dep tenqidligen idi. (Erkin)

Pikirler (0)
Share
Toluq bet