Amérika, teywenning b d t gha eza bolush mesilside rifrandom ötküzüsh pilanini tenqid qildi

2007-12-22
Élxet
Pikir
Share
Print

Amérika tashqi ishlar ministiri kondaliza rayis, jüme küni, teywenning b d t gha eza bolush mesilside xelqning rayini snash yeni rifrandom ötküzüsh pilanini tenqid qilip, " bizche bu pilan teywen boghuzidiki weziyetni téximu keskinleshtüridu" dédi. Kondaliza rayis bayanatida, amérika hökümitining, teywen mesilside herbiy küch ishlitish tehditige shundaqla teywen boghuzidiki mewjut weziyetni özgertish üchün élinidighan herqandaq bir tereplime qarargha qarshi turidighanliqini tekitlidi.

Amérika tashqi ishlar ministirining, teywen toghrisidiki bayanati, xitay hökümiti teripidin qizghin qarshi élin'ghan bolup, xitay tashqi ishlar minstirlikining bayanatchisi ching gang, shenbe küni béyjingda bergen bayanatida, xitay hökümiti, amérika terepning özining bir jonggu siyasitige sadiq ikenlikini ochuq - ashkara ipadilep kelgenlikini teqdirleydu we teywenning musteqilliq élan qilishining aldini élish üchün, élip bériwatqan pa'aliyetlirini izchil dawamlashturushini ümid qilidu" dégen.

Emma, teywen prézidénti chin shüybiyen, shenbe küni amérika tashqi ishlar ministirining, teywende ötküzülüshi pilanlan'ghan rifrandom heqqidiki tenqidlirini ret qilip, "teywende b d t gha eza bolush mesiliside élip bérilidighan rifrandom héchqachan teywen boghuzidiki weziyetni jiddiyleshtürmeydu. Weziyetni jiddiyleshtürüwatqan xitay hökümiti. Xelqning rayini sinash, xelqining pikrige hörmet qilghanliqni körsitidu" dédi.

Gerche, amérika tashqi ishlar ministiri, teywenning b d t gha eza bolushi mesiliside teywende ötküzülmekchi bolghan rifrandomni tenqid qilghan bolsimu, emma, amérika mudapi'e ministiri robért géts, jüme küni washin'gtonda bergen bayanatida, amérikining teywen'ge qoral-yaraq sétishni dawamlashturudighanliqini tekitlidi. U, bu mesilini, ötken ay béyjingni ziyaret qilghinida, xitay rehberlirigimu, ochuq-ashkara bildürüp qoyghanliqini, eskertti. (Ömer qanat)

Pikirler (0)
Share
Toluq bet