Xitay Uyghur élining chégralirida "chégra mudapi'esi 110 " namliq qurulushini bashlidi

2008-03-30
Élxet
Pikir
Share
Print

Xitay hökümiti 100 milyon yüen meblegh sélip, Uyghur elining chégra boyliridiki téxi téléfon alaqe tori bolmighan 46 chégra saqchixanisi we bashqa uning da'irisidiki jaylarda yötkilishchan téléfon tori qurulushini bashlighan.

Shinxu'aning xewirige qarighanda, 2 - 3 yil ichide bu qurulush pütse barliq chégra liniyiliri alaqe tori ichige élinip, chégra bixeterlikini zor derijide kapaletke ige qilinidiken.

Igilinishlerge qarighanda, xitay yéqinqi yillardin buyan chégra ponkitlirini qoghdash we u jaylardiki mudapi'e küchini ashurushqa alahide ehmiyet béripla qalmastin belki, chégra rayonlirida shangxey hemkarliqidiki döletler bilen birleshme manéwirlarni ötküzgen. Bu manéwirlarning hemmisining meqsitining sherqiy türkistan namidiki Uyghur musteqilchiliridin mudapi'e körüsh hem uninggha zerbe bérish ikenliki jakarlan'ghan idi.

Hazir Uyghur élining 8 dölet bilen bolghan chégra liniyisi 5600 kilométirdin artuq bolup, xitay chégrilirining 4/1 qisimini teshkil qilidu. Bu chégrilarning yer tüzülüshi nahayiti murekkep bolghachqa xitaygha üchün qiyinchiliqlarni tughdurghan idi.

11 - Séntebir weqesining aldi - keynide, xitayning asasliqi afghanistan, pakistan, tajikistan we qirghizistan bilen bolghan chégra liniyiliridin alahide ensirep, bu jaylarning mudapi'esini kücheytkenliki melum. (Ümidwar)

Pikirler (0)
Share
Toluq bet