Wén jyabaw xitayning herbiy sélinmidiki artishini aqlidi

2006-03-14
Élxet
Pikir
Share
Print

Xitay bash ministiri wén jyabaw seyshenbe küni béyjingda chaqirghan muxbirlarni kütüwélish yighinida, dunya boyiche eng zor kölemge ige xitay qoralliq qisimlirini bashqa döletlerge tehdit emes, dep aqlidi we xitay herbiy xam chotining yilda ikki reqemlik san bilen köpiyip bériwatqanliqini herbiylerning turmush shara'itini yaxshilash, dep chüshendürdi.

Xitay hökümiti ötken hepte xitay qoralliq qisimlirining bu yilqi herbiy xam chotini 7.14 Pirsent östürüp, 283 milyard 8 milyon yüen'ge chiqarghan. Wén jyabawning eskertishiche, bu pulni herbiylerning ma'ashini östürüsh, herbiy esliherlerni yéngilash, telim - terbiye we néfit bahasining ösüp kétishi qatarliq türlerge ishlitidiken. Wén jyabaw, " junggo künlerning biride kücheygen teqdirdimu bashqilarning ichki ishlirigha arilashmaydu yaki bashqilargha ziyan salmaydu " deydu.

Xitay hökümiti 1990 - yillardin béri her yili herbiy xam chotini ikki reqemlik san bilen östürüp barmaqta. Xitayning bu yilqi herbiy xam choti uning omumi dölet xam chotining 4.7 Pirsentini teshkil qilghan. Biraq xitay herbiy xam chotining yildin - yilgha ösüp méngishi xitayning qoshniliri we amérika qatarliq döletlerni bi'aram qilmaqta.

Amérika dölet mejlisidiki zatlarning eskertishiche, xitayning hazirqi mewjut herbiy küchi uning milliy bixeterlikini qoghdashqa éhtiyaj bolghan herbiy küchidin köp éship ketken. (Erkin)

Pikirler (0)
Share
Toluq bet