Xitayda 2005 - yili néfit we kömür kan weqeliride ölgenler shiddet bilen köpeydi

2006-02-10
Élxet
Pikir
Share
Print

Xitay da'irilirining jüme küni élan qilishiche, 2005 - yili xitay boyiche néfit we kömür kan weqeliri qatarliq her xil qazalarda ölgen adem sani 6000 gha yétip bardi. Bu bir yil ichide her qétimqi zor kölemlik qazalarda ölgen adem sanida shiddetlik köpiyish yüz bergen.

Xitay dölet tereqqiyat we islaht komitétining melumatida körsitilishiche, 2005 - yili xitay boyiche jem'iy 3341 qétim kömürkan partlash weqesi, su we ot apiti yüz bergen bolup, jem'iy 5986 kishi ölgen. 2004 - Yili yuquri weqelerde 6027 kishining ölgenliki jakalan'ghan idi. Ölgenlerning sanida ötken yili bir az aziyish bolghan bolsimu, emma 2005 - yili ichide zor kölemlik adem ölüsh weqesi yüz bergen kömür kan qazalirining sani shiddet bilen köpiyip, 3586 adem bu xil weqelerde ölgen. Buning ichide chong kölemdiki kömür kan weqeliride ölgenlerning sani 2004 - yilgha qarighanda 60 % artti.

Xitay da'iriliri ishlepchiqirish bixeterlikige jiddi qaraydighanliqini köp tekitligen bolsimu, emma hazirghiche zor kölemdiki kan weqeliri we her xil hadisilerning yüz bérishidin saqlinamay kelmekte. Xitay döletlik ishlepchiqirish bixeterliki idarisining bashliqi li yijong, bu weziyetke "jiddi we mes'uliyetchanliq" bilen mu'amile qilidighanliqini bildürgen. Gerche xitay döletlik bixeterliki idarisi, xitay boyiche kichik kölemdiki bixeterlik ölchimige toshmaydighan kömür kanlirining taqilidighanliqini jakalighan bolsimu , emma Uyghur aptonom rayonida da'iriler ilgiri bixeterlik sewebidin taqash buyruqi chüshürügen bezi kanlarning qayta achti. Xitayda eng zor kölemdiki adem ölüsh weqeliri kömür kanlarda yüz bermekte.

Xitay boyiche ötken yili kümür kan mehsulati 7.9% Köpeygen. Xitay döletlik tereqqiyat we islahat idarisining doklatida körsitishiche, xitayda her bir milyon tonna kömür ishlepchiqirish üchün 7.2 Adem ölüdiken. (Erkin)

Pikirler (0)
Share
Toluq bet