Xitay afghanistan saqchilirigha yardem berdi

2006-06-11
Élxet
Pikir
Share
Print

Xitayning shinxu'a axbarat torining ashkarilishiche, 11 - iyun küni xitayning afghanistandiki bash elchisi xitay jama'et xewpsizliki ministirliqigha wakaliten 340 ming amérika dolliri qimmitidiki saqchilar ishlitidighan motsiklit, kompyutér, qatarliq buyumlarni we razwétka ishliri üchün islitidighan ilghar téxnikiliq eslihelerni afghanistan ichki ishlar ministirliqigha teqdim qilghan.

Xewerde körsitishiche, xitay 2001 - yilidin hazirghiche afghanistan saqchilirigha besh milyon dollar qimmitide yardem bergen bolup, ikki terep jama'et xewpsizlik da'iriliri arisidiki hemkarliq künsayin kücheygen.

Xewerlerdin qarighanda, xitay saqchi da'iriliri afghanistan hökümiti we saqchi da'iriliridin Uyghur musteqilchilirige birlikte zerbe bérish we hem ularni tutup xitaygha tapshurushni izchil telep qilip kelmekte.

Xewerlerdin ashkarilinishiche, afghanistan rehbiri xamit karzay 6 - ayning 15 - kuni shangxeyge bérip, shangxey hemkarliq teshkilatining yighinigha qatnishidiken hemde 6-ayning 18 – 21 - künliri béyjingda resmi dölet ishliri ziyaritide bolidiken (ümidwar)

Pikirler (0)
Share
Toluq bet