Xitay - hindistan chégrisidiki nadula tagh éghizida 40 nechche yildin buyan taqalghan chégra baziri échildi

2006-07-07
Élxet
Pikir
Share
Print

Amérika awazining xewer qilishiche, xitay - hindistan chégrisidiki himalaya tagh tizmilirining nadula tagh éghizida 1962 ‏- yilidiki xitay - hindistan urushida taqiwitilgen chégra baziri peyshenbe küni qaytidin échildi. Bu xitay bilen hindistandin ibaret ikki chong asiya dölitining munasiwiti yaxshilinishqa bashlighanliqining bishariti.

Xewerde bayan qilinishiche, hindistan emeldarliri bilen xitay emeldarliri peyshenbe küni chüshtin burun tebrik sadaliri ichide linta keskendin kéyin, chégra baziri resmi échilghan . Xitay tereptiki chégra baziri tébetning yadong nahiyisige qarashliq rinching portida. Hindistan terepning chégra baziri bolsa sékkimning hiratan dégen yéride. Uzun yillardin buyan chégra sodisini teqezzaliq bilen kütüwatqan her ikki terepning chégra xelqi, déngiz yüzüdin 4500 métir igizliktiki nadula tagh éghizidin bulut kéchip ötüp, yéngi échilghan chégra bazarlirigha oxshimighan yünilishtin sépi üzülmey kélishke bashlighan. (Weli)

Pikirler (0)
Share
Toluq bet