Xitaydiki eng chong ikki néfit sana'et guruhining qanunsiz bankidin pul alghanliqi tekshürülmekte

2007-11-19
Élxet
Pikir
Share
Print

Xitay axbarat tarmaqliri düshenbe küni bergen xewerlerge asaslan'ghanda, xitaydiki eng chong ikki néfit sana'et guruhi özlirining qanunsiz yer asti bankidin pul alghanliqi mesilisi üstide toxtilishni xalimighan.

Xitaydiki junggo néfit we tebi'iy gaz guruhi shirkiti (中国石油天然气集团公司) we junggo néfit- ximiye sana'iti hessidarliq cheklik shirkiti ( 中国石油化工股份有限公 ( ning tarmaq shirketliri xitayning shénjén shehirige jaylashqan bir yer asti bankining xéridari dep guman qilinip, bu délo bu yil yazdin buyan tekshürüwatqan idi.

Birleshme agéntliqining "igilik közetchisi" gézitide bu heqte bérilgen xewerlerdin neqil élip körsitishiche, bu qanunsiz banka mezkur néfit shirketlirining xongkongda élip barghan néfit sodisining élim- bérimini bir terep qilip béridiken.

Junggo néfit- ximiye sana'iti guruhi shénjén néfit shirkitidiki jang famililik bir xadimning bildürüshiche, hazir hökümetning munasiwetlik tarmaqliri bu déloni tekshürüwatqan bolup, u " shirkitimiz, bu heqte bayanat élan qilmaydu" dégen bolsa, mezkur shirketning yene bir lyu famililik ayal xadimi shirketning bashqa munasiwetlik rehberlirining aldirash ikenlikini bildürgen we: "bizge bu heqte toxtilishqa hoquq bérilmidi" dégen.

Melum bolushiche, shexsiy igidarchiliqidiki kichik karxanilar qanunsiz yer asti bankilar bilen pul mu'amilisi qilidighan bolup, xitaydiki dölet igidarchiliqidiki shundaq chong shirketlerning néme üchün qanunsiz bankilar bilen hemkarlashqanliqi téxiche namelum.

Xitayning axbarat wasitiliri bergen xewerlerge asaslan'ghanda, shénjindiki bu yer asti banka yette yildin buyan mezkur néfit shirketliri bilen mu'amile qilip kéliwatqan bolup, hazirgha kelgiche, 4.3 Milyard yüen xitay pulini bir terep qilghan.

Xitaydiki bu ikki chong néfit guruhi hazirghiche, Uyghur ili néfit we tebi'iy gazlirini échishqa we pishshiqlap ishleshke eng köp meblegh séliwatqan we Uyghur élide néfit we tebi'iy gaz zapisini téximu köp bayqashqa eng aldiriwatqan, xitay hökümitining igidarchiliqidiki néfit shirketliridur. (Jüme)

Pikirler (0)
Share
Toluq bet