Xitay hökümiti olimpik musabiqisida ruxsetsiz namayish qilishqa bolmaydighanliqini jakarlidi

2008-03-12
Élxet
Pikir
Share
Print

Xitay hökümiti bügün béyjing olimpik musabiqisida, meyli u yerlik bolsun yaki chet'ellik bolsun, her qandaq kishining saqchilarning ruxsitisiz namayish qilishigha ruxset qilinmaydighanliqini, bu yerlik qanun'gha chuqum ri'aye qilish lazimliqini jakarlidi.

Fransiye agéntliqining bayan qilishiche, dunya buyiche ortaq ölchemde élip bérilidighan olimpik musabiqisi heqqide kommunist xitay hökümiti özi tüzgen bu yerlik qanunni lyu jinming isimlik bir emeldar élan qilghan.

B b s ning bayan qilishiche, orgini parizhdiki chégrisiz muxbirlar teshkilati hazir intérnétni tosuwalghan döletlerge qarita tor namayishi élan qildi. Bu teshkilatning qarishiche, intérnétni tosuwalghan döletning köpinchisi asiyada. Bu rayonda xelq'araliq tor betliridin 2600 i taqilip ketti, intérnét arqiliq erkin pikir bayan qilghan 62 kishi qolgha élindi. Bundaq qanunsiz heriket bilen shughulliniwatqan döletler gherb döletliridiki bezi shirketler bilen til biriktürüwalghan.

Xewerde éytilishiche, bu teshkilatning hazir shöbiliri intérnét arqiliq tyen'enmén meydanida, kim érsin meydanida, yanggun, hawana, ashxabad kochilirida teqliten namayish qilish pa'aliyitini bashlidi. (Weli)

Pikirler (0)
Share
Toluq bet