Xitay qirghizstan'gha herbiy yardem qildi

2006-06-25
Élxet
Pikir
Share
Print

Qirghizistan prézidénti qurmanbék baqiyéwning xitaygha élip barghan tunji dölet ziyaritining netijisi süpitide xitay dölet mudapi'e ministirliqi qirghizistan chégra ishliri idarisigha besh milyon yü'en qimmitide herbiy yardem qildi.

Qirghizistanning qabar agéntliqining 24-iyun künidiki uchuridin melum bolushiche, yardem buyumlirini tapshurush murasimi torghat éghizida élip bérilghan bolup, xitay terep 460 tonna qurulush matériyallirini öz ichige alghan chégra qoghdash we herbiy ishlarda ishlitilidighan yardem yükini qirghizistan chégra qoghdash idarisining mu'awin bashliqi sadirbék dubanayéw bashchiliqidiki wekiller ömikige tapshurghan. U, bu yardemlerning qirghizistan bilen xitayning 2004 – 2005 - yillarda tüzgen herbiy yardem körsitish kélishimlirining ramkisi astida bérilgenlikini eskertken.

Qirghizistan bilen xitay arisidiki chégra talash-tartishliri üzül-késil hel bolghan bolup, esqer aqayéw dewride xitaygha késip bérilgen üzen'ge qush rayoni heqqide qirghizistan jama'etchiliki arisida zor ghulghulilar kélip chiqqan bolsimu, lékin yéngi prézidént qurmanbék baqiyéw özining bu qetimqi xitay ziyariti jeryanida uzen'ge qush rayonining xitaygha bérilgenliki heqqidiki esqer aqayéw dewride tüzülgen kélishimni küchke ige qilghan idi.

Qurmanbék baqiyéw özining 9-10 –iyun künliridiki xitay ziyariti jeryanida yene xitay bilen birlikte Uyghur siyasiy heriketlirige zerbe bérishkimu raziliq bildürüp, birleshme bayanat élan qilghan idi.(Ümidwar)

Pikirler (0)
Share
Toluq bet