Xongkonggha kelgen xu jintaw, naraziliq namayishliri bilen qarshi élindi

2007-06-30
Élxet
Pikir
Share
Print

Xongkongning en'giliye teripidin xitaygha qayturulghanliqining on yilliqi munasiwiti bilen uyushturulghan murasimlargha qatnishish üchün jüme küni xongkonggha kelgen xitay dölet re'isi xu jintaw, naraziliq namayishliri bilen qarshi élindi.

Xujintaw chüshken mihmanxana etrapigha yighilghan onlighan namayishchi, xujintaw we xitay hökümitige qarshi shu'arlar töwlap, méhmanxanigha yéqinlishishqa tirishqan bolsimu, emma saqchilar ularning mihmanxanige qarap ilgirlishining aldini alghan.

Bu, xu jintaw ning xitay dölet re'isi wezipisni qolgha alghandin kéyin, xongkongni tunji qétim ziyaret qilishi bolup hésablinidu. Xu jintaw ötken on yil jeryanida xongkongda yüzbergen tereqqiyatni maxtap, xongkong xelqini téximu wetenperwer bolushqa chaqirghan.

U xitay merkizi hökümitining " bir dölette, ikki xél tüzüm" prinsipigha hörmet qilidighanliqini tekitlep, merkizi hökümet xongkongni, xongkong xelqi bashqurush prinsipida chéng turidu dep körsetti.(Ömer qanat)

Pikirler (0)
Share
Toluq bet