Хитай хәлқ қурултийи келәр йили хусуси мүлүк һоқуқини қоғдаш қануни чиқириши мумкин

2006-12-29
Елхәт
Пикир
Share
Принт

15 - Нөвәтлик хитай хәлқ қурултийиниң келәр йили 3 - айда чақирилидиған 5 - омуми йиғинида узундин бери талаш тартиш қилинип келиватқан хусуси мүлүк һоқуқини қоғдаш қануни мақуллиниши мумкин.

Шәхсләрниң мөлүк һоқуқини қоғдаш қануни буниңдин бәш йил бурун оттуриға қоюлғандин бери, һазирға қәдәр 7 қетим түзитиш киргүзүлгән. Бу җәрянда мәзкур қанун хитай җәмийитидә, илим саһәси шундақла сияси саһәдә зор талаш тартиш қозғиди.

Мәзкур қанунға қарши турғучилар хусуси мүлүк һоқуқини қоғдаш қануни һөкүмәтниң иқтисадқа болған контроллуқини тәвритип қойиду шундақла кәмбәғәлләр билән байлар пәрқини чоңайтиветиду, дәп қаримақта. Лекин бу қанунни қоллиғучилар, мәзкур қанундики бәзи маддилар хусуси мүликни қоғдаш җәһәттә техи йетәрлик әмәс, дәп тәнқидлимәктә.

Шинхуа ахбарат агентлиқиниң хәвәр қилишичә, мәзкур қанун 5 қетим өзгәртилгәндин кейин дөләт игиликидики иқтисадниң йетәкчилик ролиға алаһидә әһмийәт берилгән болуп, бу қанунға қарши турғучилар андин пәскойға чүшкән.

Ройтерс ахбарат агентлиқи мәзкур қанунниң хитай чоң қуруқлиқидики мәтбуатларда ашкарә муназирә қилиш чәкләнгәнликини хәвәр қилди. (Әркин)

Пикирләр (0)
Share
Толуқ бәт