Teklimakanni quchaqlap: merhum küresh kösenning hayatidin eslimiler-13

Ixtiyariy muxbirimiz qutlan
2013-09-28
Élxet
Pikir
Share
Print
Shiwétsiyede xitaygha qarshi namayish teshkillewatqan merhum küresh kösen (2005-yil 1-öktebir)
Shiwétsiyede xitaygha qarshi namayish teshkillewatqan merhum küresh kösen (2005-yil 1-öktebir)
RFA/Qutlan

Almutadiki birqanche aygha sozulghan japaliq jeryanlardin kéyin munewwer axiri kewserning tughulghanliq ispatini qolgha keltüridu. Buning bilen ürümchide xewer kütüp tit - tit bolup turghan tillaxan ana newrisi kewserni élip derhal qazaqistan'gha yolgha chiqidu.

Wehalenki, eyni dewrde iqtisadiy kasatchiliq we jem'iyet tertipi éghir derijide qalaymiqanlashqan qazaqistanda xitay tewelikidiki Uyghur muhajirlirining künliri intayin qiyin ehwalda idi. Birleshken döletler teshkilatining almutadiki ishxanisidin siyasiy panahliq telep qilghan Uyghurlarning tinch - aman üchinchi bir elge kétishi tolimu qiyinlashqanidi. 2001 - Yilidiki "11 - Séntebir" weqesidin kéyin Uyghurlarning orta asiya elliride turushi téximu qiyinlashqanidi.

Merhum küresh kösen xelq'ara démokratiye yighinida (2002-yil)
Merhum küresh kösen xelq'ara démokratiye yighinida (2002-yil) Photo: RFA

Mana mushundaq ehwalda munewwer apisi tillaxan ana bilen akisining oghli kewserni shiwétsiyege yolgha sélish üchün minglighan qiyinchiliqlargha duch kélidu. B d t ning almutadiki ishxanisi arigha chüshken bu ish eyni waqittiki qazaqistanning shara'itida téximu murekkepliship kétidu. Shu ariliqta jismaniy we rohiy jehetlerdin qattiq charchighan munewwer éhtiyatsizliqtin anisining pasportini yoqitip qoyidu. Uning üstige kewserning qazaqistan chégrasidin chiqishi üchün qanuniy apisining imzasi bolushi kérekliki telep qilinidu… ene shu bir qatar qiyin tosalghular weten sewdasida tozghaqtek tozup ketken bu a'ilining jem bolush chüshini tesewwur qilghusiz derijide qiyinlashturuwétidu…

Qedirlik dostlar, egerde bu jeryanlarning tepsilatlirini anglashqa qiziqsanglar programmimizning 13 - qismigha diqqet bergeysiler!

Toluq bet